السجل المدني الفلسطيني

السجل المدني الفلسطيني هو مرجع الكتروني يحتوي على معلومات عامة عن سكان فلسطين. 

MyFitnessPal: calorie counter

بما أنه أساس الحفاط على جسمك هو أكلك هاد التطبيق بساعدك تحسب ال calories الي بتحتاجها باليوم وبناء عليه بتقلل الcalories عشان تنحف أو بتزيدهم عشان تنصح

Muslim Pro

التوب في تحديد القبلة وبساعدك تحدد ختمة مقسمة عفترة ما وبذكرك فيها وبرضو متوفر فيه مواعيد الصلاة بتوقيت القدس وأحكام الزكاه والحج وغيرها ومتوفر القرآن عليه مع إمكانية لسماعه بصوت شيخ معين وأنت تتبع مثلًا

 - للتنويه كل التطبيق بالإنجليزي لكن مفيد جدًا

Sleep calculator pro

النوم مراحل وكل مرحلة مدتها ٩٠ دقيقة ولما بدك تصحى بنشاط لازم تصحى بعد انتهاء المرحلة مش بنصها فالتطبيق بحسب متى لازم تصحى وبرضو بتقدر تحسب متى لازم تنام عشان تصحى بالموعد الفلاني وبعطيك خيارات تحدد كم cycle أو مرحلة لازم تنام وبضل يحسب طول الليل وفيه مايك شغال عشان يقيس العلامات الحيوية وبصحيك بهدوء مش زي alarmy

Alarmy alarm

المنبه الذي تسبب بتكسير جولات العالم المنبه المخصوص للناس الي بتصحاش إلا بعرس وبتقدرش تطفي المنبه إلا تا تحل مسألة رياضية أو لعبة بدها تفكير وغيره يعني بدك تصحى بدك تصحى

Monefy: Money Tracker

تطبيق لتسجيل المصاريف وشو معك مصاري وبقسملك المصاريف كمان حان الآن لنصبح أغنياء

iHerb

متوفر فيه فيتامنيات ومنتجات بشرة وكريمات أرخص من السوق بكتير

IMDb

ممتاز لاقتراح الأفلام والمسلسلات وبورجيك التقييمات لكل فيلم والجوائز والممثلين وإعلان الفليم أو المسلسل وغيرها من الشغلات

Flip a Clip

تطبيق بساعدك تعمل animation بسيط